|
|
感谢关注耳机俱乐部网站，注册后有更多权限。
您需要 登录 才可以下载或查看，没有账号？注册
x
前言：
唔經唔覺已經寫到第三篇，之前SHUER同WESTONE都系我自己系聚會o個陣聽過，但生活中聽得唔算多o鬲，UE的super.fi 5pro算系我用得時間最長的耳塞，所以相對
o黎講，我自己比較習慣UE的產品。呢篇文章的主角只有三個，因為TF10pro我未聽過，所以唔系呢度發表評論。我就super.fi 5pro , super,fi 5EB , super.fi 3studio呢三副耳塞講講自己的睇法。希望會對一D想瞭解UE民用產品同埋打算購買呢3款耳塞的朋友帶o黎一D幫助。
作為一家做專業舞臺監聽的耳塞製造商，UE擁有獨特的調音風格，雖然UE的民用耳塞在同級中，價格上唔會比SHUER同WESTONE高，但UE的耳塞擁有更好的性價比，亦即系講，同樣級數的耳塞裏面，UE會更加抵玩。延用o左（訂制式）舞臺監聽耳塞的傳統，super.fi 系列的耳塞都可以更換耳塞線，o甘樣就算玩家們唔小心整斷左條線，又或者想換線玩，都可以隨心所欲，想換就換，唔似其他三個品牌o甘，換線就要寄返美國等廠家去代勞。UE
o甘樣的設計，可以話系人性化的體現。
（呢篇广东话版听感文章其实在香港亦轩也发表过，这里先预告一下，耳机俱乐部这边稍后会有国语版，内容大致是一样的。但为了照顾香港及广州的朋友，所以这次特别分开两个版本。 ）
【Super.fi 3studio】
Super.fi 3studio其實算系UE的入門級產品，同WESTONE的UM1，SHUER的E3C，音特美的ER6一樣，Super.fi 3studio系一隻採用動鐵式全頻單元的耳塞，但系音色方面，Super.fi 3studio又同E3C,UM1，ER6等有所區別。Super.fi 3studio的特點在於分析力同聲場方面。同級產品之間的競爭中，以現時Super.fi 3studio甘樣的定價同聲音特性，Super.fi 3studio可以講系立於不敗之地咯。相對尷尬的系E3C，因為之前的高價位而家卻被同級的幾款耳塞頂死，而聲音方面亦無乜特別明顯的優勢，兼且價格又相對偏高，關鍵仲系分析力方面，E3C算系四隻耳塞中最弱仔o個副，所以價格局住要高開低走啦。反觀Super.fi 3studio由一開始就系定出一個合理的價格，所以相對o黎講，Super.fi 3studio的後勁會更加淩厲。比起其他對手，Super.fi 3studio算是最遲登場的一個咯。 ―――（產品概述）
跟住系外觀結構方面啦，Super.fi 3studio個樣就同super.fi 5pro比較相似。但Super.fi 3studio只有一隻單元，super.fi 5pro有兩隻單元，所以耳塞外殼的外型有D區別，super.fi 5pro低音單元和高音單元大約成30度角擺位，所以耳塞比Super.fi 3studio多o左一角。Super.fi 3studio的外型相對平滑。而相同之處在於，兩者所採用的線材都系一樣。舊版就系用四芯銅線，耳塞線比較幼細，比較單薄。新版採用加粗的鍍銀線，外型同做工都結實好多。UE比較好的地方就系，UE的耳塞線都可以更換，呢個設計比價人性化，假如我o地唔小心整斷o左條線，都唔使愁，只要買條新線就OK喇。相反其他三大品牌，換線就真系比較麻煩同埋頭痛咯。UE呢個design值得一贊。 ―――（外觀結構）
輪到聽感喇，Super.fi 3studio俾我的感覺是比較清談的音色，聲音染色比較少，有唔錯的分析力，中高頻是Super.fi 3studio做得比較好o鬲頻段。條理性同細節表現都相當唔錯。低頻能量唔算太強，但可以通過音源來調校。而聲場方面Super.fi 3studio算系同級的產品中做得相對較好的一副喇，E3C頭中效應比較明顯，橫向聲場不夠開闊，音樂的立體感唔夠Super.fi 3studio強烈，ER6I縱向聲場深度唔錯，但系橫向聲場一般，UM1中頻比較近，相對Super.fi 3studio o黎講，聲場相對壓迫。而好多朋友都講Super.fi 3studio低音唔夠，我個人o鬲睇法系，只要唔系用o黎聽搖滾同重金屬類音樂，Super.fi 3studio系呢個級數o鬲耳塞裏面，其實低音唔算差喇，能量雖然唔算強，但系總算有唔錯的聽感。除非有D朋友中意低音能量較大o鬲耳塞，不過，低音多o左，往往會對音樂o鬲透明度有影響，聽感上也容易失去平衡。總之，低音多少的取捨，就要睇個人的音樂感同聽音偏好喇。因為每個人心中的“平衡點”都唔同，無固定標準...... ―――（主觀聽感）
對於Super.fi 3studio o黎講，作為一隻入門級民用耳塞，Super.fi 3studio的市場定位就是一般通俗音樂，所以就適應性o黎講，Super.fi 3studio仲算唔錯，除o左搖滾，重金屬，基本上其他類型的音樂，Super.fi 3studio都可以把玩得唔錯喇。尤其是女聲同弦樂，Super.fi 3studio有自己獨特的演繹方式，清透得o黎又唔會比人過於冰冷O鬲感覺，高音柔順自然，延伸性在同級產品中僅次於ER6。不過講返轉頭，對於大動態大編制的音樂，例如交響樂，Super.fi 3studio就唔多適應喇，不僅僅系Super.fi 3studio，即使系同級的E3C,UM1,ER6都一樣唔適應，因為呢幾隻耳塞，根本就營造唔出交響樂應有的場面，講白就系，根本“爆”唔起，出唔倒o甘o鬲動態。所以交響樂只可以講系玩嚇就得，無可以講玩得精。 ―――（適應音樂）
音源搭配對於Super.fi 3studio o黎講,其實比較簡單，因為UE呢幾款耳塞都比較好推，有著良好的驅動性用對音源的適應能力。移動硬碟式MP3裏面，CREATIVE o鬲ZEN-XTRA 10GB同埋iAUDIO X5L搭配Super.fi 3studio效果都唔錯。攜帶型CD播放器中，舊機裏面，我覺得KENWOOD的971配Super.fi 3studio唔錯，新力o鬲舊機裏面，聲音風格屬於相對中性平衡的D515算系幾好o鬲選擇。而PANASONIC裏面，CT570搭Super.fi 3studio對人聲的表現o黎講，算系值得一贊喇，新機裏面，CT820都可以考慮。最後系MD喇，由於Super.fi 3studio 系SF系列裏面，人聲相對較薄，所以聽男聲可以考慮配搭一D厚聲或者推力大聲底扎實的音源，系MD呢PART，大家可以試試NH1，因為NH1中頻比較突出，o岩好同Super.fi 3studio互補，又或者試嚇選用以前SHARP的舊機（24bit），如MD831,因為SHARP的MD聲底比較扎實，動態比較好，播放大動態音樂時，仲系有一定作用。―――（音源搭配）
最後講講我自己對Super.fi 3studio的感覺，總體o黎講，Super.fi 3studio算系一隻比較實惠的耳塞。價錢唔貴，出o黎o鬲聲都唔錯，起碼我們在同級型號比較中，Super.fi 3studio算系最抵玩又適應面最好的一隻喇，唯一挑剔就系隔音能力咯，相對其他幾款同級產品，Super.fi 3studio的隔音能力時最差咯。呢個同Super.fi 3studio的設計有關。不過就聲音而言，Super.fi 3studio是同級產品中我自己最欣賞的一款，而音樂的取向同SF系列的5“系”卻截然不同。總體o黎講, Super.fi 3studio算系一款比較成功的產品了，Super.fi 3studio的出現，使得UE在低端民用市場裏面搶返唔少的份額，同時也讓更多發燒愛好者認識到UE的聲音。 ―――（個人評價）
【super.fi 5pro】
super.fi 5pro的誕生其實已經意味著UE開始關注到民用市場了，因為早在super.fi 5pro投入市場之前，UM2同E5C已經鬥得你死我活了。而作為美國專業舞臺耳塞生產大戶的UE，民用產品這一板塊，之前一直都是空白的。同舒爾和WESTONE唔同，UE之前只用訂制耳塞，從價格上o黎睇，根本很難適應大陸市場，因為中美兩國的消費指數根本不在一個檔次。叫中國大陸的發燒友買只UE10，我睇唔系o甘多人願意，好大程度上系因為兩地的物價，消費指數，居民收入情況等都存在著巨大的差距。中國的UE10，基本可以看作是生活條件充裕的燒友的玩意。對於美國人o黎講，900美金可能就系一般打工仔半個月工資左右，但對於中國一般工薪階層o黎講，900美金可能是三個月的工資喇。所以UE10之類訂制耳塞要適應我國國情，系唔現實o鬲一回事。於是在2005年的6月，對於中國耳塞愛好者o黎講，或者系一個好消息，呢個亦就系super.fi 5pro o鬲誕生。從另一個角度去睇，隨身聽愛好者從此又多o左一個選擇。 ―――（產品概述）
記得第一次在網站上面睇見super.fi 5pro的模型圖時，覺得super.fi 5pro個樣有D另類，起菱起角外觀一D都唔似之前傳統o鬲民用雙單元耳塞。不夠耳塞上面o鬲UE標誌真系幾COOL。設計都可以。線材同埋靈敏度在之前關於super.fi 5pro o鬲文章中已經講過好多次，呢度就略略講講喇，靈敏度度系119dB,阻抗系21歐姆，頻響系20—16kHz，線長46英寸，淨重6安士。同SF3一樣，super.fi 5pro可以更換耳塞線，人性化的設計真的很適合中意玩DIY或者得閒就換線玩嚇o鬲朋友。新版採用的系鍍銀線，無論線材質量同堅韌程度都有明顯o鬲提升。不過備用線仲系有D貴。產品o鬲手工質量其實都有待提高。
值得一提o鬲系之前super.fi 5pro的裂殼事件，舊版super.fi 5pro有好多朋友反映，在右邊耳塞高音單元外殼處，往往在使用一段時間後就出現自然爆裂，而且裂痕最長的甚至達到1CM。使得06年前半年，super.fi 5pro的銷量直線下降，很大原因就是呢個裂殼問題。在06年大概4月份左右，super.fi 5pro推出o左新版，新版同舊版唔同就系，新版耳塞殼上面鍍了一層光面漆，一定程度上抑制o左耳塞殼的爆裂，另一方面，新版super.fi 5pro針對舊版super.fi 5pro線材單薄，高頻暗啞的弊端，把之前super.fi 5pro標配o鬲銅線換成鍍銀線，有效地提升o左高頻o鬲分析力同埋聲音整體的細節同條理性。呢D都系super.fi 5pro在一年之間一步一步的變化。 ―――（外觀結構）
至於super.fi 5pro o鬲聲音，我想不用再多講咯，之前也寫過一些關於super.fi 5pro的文章，有興趣的朋友可以點擊一下，鏈接如下：
http://bbs.headphoneclub.com/vie ... 6282&highlight=
http://bbs.headphoneclub.com/vie ... 1326&highlight=
總括o黎講，super.fi 5pro系一副聲音溫暖扎實，聲底沉穩，聲場立體感明朗，低頻有力，密度十足的民用雙單元耳塞。聽感方面比較容易讓喜歡流行樂同爵士樂的朋友所接受。同級對比中，低頻方面算系super.fi 5pro的亮點同賣點咯，畢竟比起E5C，super.fi 5pro有更強o鬲低頻力度，比起UM2，super.fi 5pro有更深o鬲低頻下潛。而super.fi 5pro在三者中，算系最好推o鬲一隻。中頻（人聲）方面，super.fi 5pro比較適合男聲，聲音密度同E5C有得揮，不過聲音的包圍感唔及E5C強烈。UM2則稍遜於前兩者。高頻則是super.fi 5pro稍微薄弱的環節。與E5C,UM2相比，super.fi 5pro o鬲音唔算幼細，聲音透明度亦不如UM2，高頻分析力也不如其他兩個對手。高音o鬲延伸性比UM2遜色。呢個同super.fi 5pro的聲音特性有關，super.fi 5pro總體系偏向於中低頻，能量也集中在中低頻，高頻並不是強項。所以如果對中高頻/高頻要求比較高o鬲朋友，super.fi 5pro並唔系一個好o鬲選擇。 ―――（主觀聽感）
對於音樂的適應性，super.fi 5pro其實並不比super.fi 3studio好幾多，對於弦樂，super.fi 5pro反而無super.fi 3studio演繹得好。總體o黎講，super.fi 5pro聲底比SF3更加紮實，低音能量更足，但聲音的厚實往往營造唔出弦樂那種清透感。super.fi 5pro比較適合流行同通俗類的樂曲，搖滾同埋爵士樂都有唔錯o鬲表現。至於一D大動態o鬲音樂，super.fi 5pro會比只有一隻全頻單元o鬲SF3好，但系高頻唔算細膩，整體分析力也不如UM2,E5C，所以樂器多o鬲時候陣腳就會有一點點亂咯，不過玩交響，耳塞其實只可以講系出街用o鬲妥協產物。對於交響，習慣用耳塞的我們只可以講得上系“粗聽”，唔講得上系“欣賞”。至於小編制古典，我個人覺得反而不及super.fi 3studio把玩得好。雖然super.fi 5pro的整體素質比SF3高，但聲音風格偏暖，唔太適合古典類。---（適應音樂）
音源配搭方面，super.fi 5pro其實對音源的適應性仲系唔錯，起碼super.fi 5pro比較易推，一般隨身聽上面已經可以發揮出應有水準喇，無乜必要加耳擴，當然，加o左耳擴系有一定提升，不過對於街塞潮人o黎講,意義真系唔大。而根據super.fi 5pro的聲音特質，聲底偏薄，聲音偏淡o鬲音源比較適合，又或者分析力好，聲音三頻段平衡，高頻延伸性強o鬲音源，亦系另一種選擇。移動式硬碟MP3中，IPOD算系同super.fi 5pro聲音特性互補。CREATIVE以其低音染，聲音平衡的特性，也可以算系super.fi 5pro的另一個選擇。另外喜歡聽流行o鬲朋友，其實可以試試用iAUDIO o鬲機。IPOD5, ZEN系列，同埋X5L，都可以嘗試。CD裏面，PANASONIC比較適合super.fi 5pro，因為一向以來，PANASONIC都系走高分析力，高精度，高還原的路線，聲音都是稍微偏冷，這樣剛好同super.fi 5pro匹配。舊機裏面，S700（XP700）非常適合。新機裏面CT系列CT810,CT820都可以，而且價格都唔算貴，經濟實惠，比較適合學生一族燒友。新力的便攜CD機裏面。舊機當中，D303,D350都唔錯，如果想經濟一D，D515是幾好o鬲選擇。新機當中，性價比其實唔算好。MD我個人比較喜歡SHARP o鬲24bit舊機，我自己用SS321，感覺還可以。MT831,MT821,DR7(1bit)都可以。新力的MD，我只推薦MZ-E730同埋MZ-EH1兩款。 ―――（音源搭配）
最後講講個人感覺，我覺得super.fi 5pro算幾適合我自己，一來我平時在路上聽歌o鬲時間比較多，super.fi 5pro屬於隔音耳塞，雖然在隔音性方面不及E5C,UM2，但我自己仲算滿意了。二來，super.fi 5pro聲音特性比較適合我自己聽開o鬲音樂，溫暖舒適的聽感，非常適合流行樂同爵士樂。可惜演繹古典音樂一般，不過我對古典的要求其實亦唔高，街塞o黎講，super.fi 5pro已經夠照喇。最後系價格同埋設計，價格上，super.fi 5pro比UM2,E5C都吸引，而且非常適合隨身聽。可以更換線材的設計對我o黎講，亦好有用，就算唔中意原配線，自己都可以試嚇DIY。比我感覺UE呢個設計是比較成功同比較有人性化o鬲。解決o左前一段時間的裂殼問題，super.fi 5pro應該會有更好的前境。 ―――（個人評價）
【super.fi 5EB】
最後出場o鬲系UE的另一款雙單元入耳耳塞――super.fi 5EB，super.fi 5EB外型，單元結構以及聲音都別樹一格。外型o黎講，super.fi 5EB有點像一隻助聽器。super.fi 5EB是由一隻動圈單元同一只動鐵單元組成，高音單元採用動鐵單元，低音單元採用動圈單元。一切似乎都是為了增強低音。正如super.fi 5EB名稱的縮寫一樣，“EXTENED BASS”--- 延伸的低頻。然而，在耳塞界中，玩極端的耳塞一般唔會受到發燒友青睞。所以，super.fi 5EB只可以說是一只有一定身價的“低音小喇叭”。除o左重金屬同搖滾樂之外，其他音樂對於super.fi 5EB o黎講,都唔多對口。 ―――（產品概述）
外觀結構上，super.fi 5EB可以用一個字形容“怪”。刹眼望去有D似一隻扭曲o左o鬲響螺。而且線材同耳塞的搭配唔多合襯，尤其系舊版。條線好幼，但系只耳塞體積比較龐大，條線就令人覺得有D弱不禁風o鬲FEEL。不過好彩系可以換線，就算斷o左都唔使驚。值得一提系super.fi 5EBo鬲靈敏度，同SF5PRO一樣，都系119dB，耳塞裏面算比較高，好易驅動，靈敏度高仲有個比較頭痛o鬲問題，就系音源的本底雜訊問題，一D靈敏度較高的耳塞一般都好容易聽到前端音源的本底雜訊（俗稱底噪）。所以都幾令人頭痕。而super.fi 5EB仲有一樣值得令人注意o鬲問題，就系super.fi 5EB o鬲阻抗。super.fi 5EB只有11歐姆o鬲阻抗，比一般民用耳塞的阻抗都略低。所以上大機或者驅動力比較大o鬲前端機器時，要注意加上標配o鬲限流棒。SF5pro都有，不過一般動鐵單元能承受逆向電流的衝擊力的限度比動圈耳塞大。所以上大機時，最好都系先將音量調零，然後再慢慢增加。免得對耳塞造成損害。 ―――（外觀結構）
而對於super.fi 5EB o黎講，主觀聽感呢PART我睇好多人都未必會有太多體會，畢竟好少人可以長期戴住super.fi 5EB周街行，而且中意super.fi 5EB o鬲朋友著實唔多。因為super.fi 5EB o鬲聲音十分唔平衡，而且低音超重，好多朋友都無法接受。尤其系中意ER系列 o鬲朋友，可能會抗拒super.fi 5EB。我自己都好中意ER4B。不過我唔抗拒super.fi 5EB，因為我覺得super.fi 5EB亦有自己的風格路線，只是音樂取向比較偏。但super.fi 5EB比我o鬲感覺系，它唔系一種平庸o鬲低音耳塞，它不僅僅只有低音。它的聲場，它的聲音密度，它的低頻下潛同衝擊力，以及聲音的立體感。呢幾項指標都具備o左一隻雙單元耳塞應有的素質。我唔覺得super.fi 5EB比UM2聲場差，我唔覺得super.fi 5EB聲音整體密度比UM2低，低頻下潛同力度就唔使我多講喇。不過低音也系super.fi 5EB致命點。就系低音過多。關於super.fi 5EBo鬲聽感，可以流覽以下鏈接：
http://bbs.headphoneclub.com/vie ... 7974&highlight=
http://bbs.headphoneclub.com/vie ... 3085&highlight=
然而一副只有擁有超重低音o鬲耳塞，對於音樂o鬲適應性，一定唔會好得去邊，呢個結論我相信好多朋友都預料得到。的確亦系o甘樣。super.fi 5EB除左搖滾樂同埋重金屬之外，或者一些disco music可能會可以派得上用場，其他音樂，基本都唔多耐聽。因為長期叫你塞住只低音炮，一粒鍾就暈低喇。而且用o黎播人聲，super.fi 5EB聲底超厚，王菲都可以變成蔡琴。聽女聲系無辦法聽o鬲，男聲稍微好D，不過都系好厚，歌手好似老o左10年。不過聽搖滾同discomusic就好有FEEL。雖然super.fi 5EB對音樂同樂器的還原不好，但系所營造出來的音樂氛圍仲系好適合這一類節奏感強烈，低音濃厚o鬲音樂，或者講，super.fi 5EB就系為這些音樂而生。 ―――（適應音樂）
關於音源的搭配，super.fi 5EB只適合配搭一些聲底清冷，高分析力或者低音較弱的音源，MP3裏面可能就只有IPOD比較合適，IPOD符合了第三個條件。CD隨身聽裏面，PANASONIC仍是首選。舊機裏面S700，S500都可以考慮，中生代機裏面，CT510值得一試，近期出品的機種，CT820亦系唔錯o鬲選擇。新力CD隨身聽只推薦舊機，大家不妨考慮一下D303。唔錯o鬲配搭。最後系MD隨身聽，適合super.fi 5EB並不多。新力o鬲新機MZ-E730，同埋聲寶DS77。呢兩部機都屬於偏冷聲底o鬲機，分析力同聲場都唔錯，尤其系MZ-E730。喜歡玩MD隨身聽o鬲朋友不妨參考一下。 ―――（音源搭配）
最後系我個人對super.fi 5EB o鬲一D睇法。其實就我個人而言，我唔會抗拒super.fi 5EB，不過我亦唔可能長時間去聽。super.fi 5EB是我一位朋友o鬲，他自己比較喜歡A8，聽super.fi 5EB o鬲時間比較少，所以曾經有一段時間，super.fi 5EB在我家寄居o左好耐。得閒無事我都會拿出來聽聽，甚至同我自己o鬲super.fi 5pro PK一下。比我感覺，super.fi 5EB同super.fi 5pro各有特點，無話邊個贏曬。不過對音樂o鬲適應性o黎講，super.fi 5pro會比super.fi 5EB好。兩幅耳塞在換線之後都有明顯提升，尤其系聲音o鬲分析力方面。所以其實中意玩DIY o鬲朋友都可以試試換線。我自己的線是朋友幫我換o鬲，坦白講，我本人沒有這樣手工，慚愧慚愧。總o鬲o黎講，super.fi 5EB系要考音源同線材去削減低頻，因為要增強聽感，低頻必須受到一定o鬲控制。而鍍銀線/銀線，在一定程度上可以提升super.fi 5EB o鬲分析力，同時使低頻量感削減，質感增強。通過配搭冷聲底o鬲前端，可以進一步使super.fi 5EB低音能量降低，從而增強耐聽度。另外，喜歡玩EQ o鬲朋友都可以試試用等化器去控制super.fi 5EB o鬲低頻，呢個都系一種比較直觀o鬲途徑。其實關鍵就系使它的聲音儘量響“平衡”靠攏，只有這樣，才可以讓人聽得時間更長一點。或者說，體現出它應有的價值同水準。 ―――（個人評價）
後話：
對於UE的三款民用耳塞，我仲系比較中意。各有特色各有千秋。Super.fi 3studio聲音比較淡，屬於聲底清淡型耳塞，比較適合女聲，弦樂，NEWAGE，小編制樂曲。高音清透，中音準確，低音就略欠量感，可惜動態承受能力唔算太好。低音爆唔起。Super.fi 5pro聲音偏暖，屬於高密度暖聲型耳塞。溫暖熱情的聲音風格，很有美國音樂味o鬲耳塞。高頻比較柔和，但延伸性一般，中頻密度很高，有一定包圍感，低頻結實，下潛深，聲場比較闊，聽大編制樂曲比SF3好，比較擅長流行樂，爵士樂以及一些HITHOP類音樂，搖滾也可以玩一手。而super.fi 5EB則系三隻耳塞裏面應用面最窄，耐聽度最低o鬲耳塞，聲音亦系最唔平衡o鬲一副。super.fi 5EB高音頻帶比較窄，高音細節感唔算太好，聲音整體透明度亦系三款中相對最弱o鬲，聲場雖然唔錯，但系低音彌漫，基本任何頻段都夾雜著低音。三頻段能量分配o鬲比例是自高（高頻）往低（低頻）逐步遞減。比較適合搖滾，重金屬，DISCOMUSIC之類o鬲音樂。但系其他音樂就唔多適合咯。擁有立體感唔錯o鬲聲場，低音宏厚，低頻下潛很深，力度亦好足，不過低音能量過大，低音控制力要通過煲機去逐漸提升。中頻密度大但聲底偏厚，所以人聲透明度唔好。極端o鬲美式低音炮，不過不算系一隻“除左低音仲系低音”o鬲低音炮，比起KOSS PP,KOSS SP,EX71之類o鬲低端低音耳塞，super.fi 5EB已經算系一種有素質o鬲低音耳塞咯......
講o左o甘多，關鍵都系一句，尋找自己喜愛o鬲音樂，去配搭自己中意o鬲耳塞。找到適合自己o鬲o個杯茶，先至系真正o鬲享受。街頭音樂文化其實對於一D成日都在路上“奔波勞碌”o鬲朋友，仲系有值得追求o鬲一面，關鍵系你自己點樣睇罷了......
劉嘉明
Dec.28.2006—Jan.14.2007 |
|
发表于 2007-1-16 00:26:50
提升卡
变色卡
楼主
发表于 2007-1-16 12:09:51
